Шахматтан командалық Әлем чемпионатында Қазақстанның қыздар құрамасы Үндістан спортшыларын ұтты

Қытайдың Чэнду қаласында қыздар арасында шахматтан командалық Әлем чемпионаты өтуде. Жарысқа Қазақстаннан бөлек Украина, Ресей, Қытай, Грузия, Армения, Үндістан, Польша, АҚШ, Египет елінің шахматшы қыздары қатысуда. Тоғыз раундқа жалғасатын турнирде қазақстандық шахматшылар алғашқы кезеңде Үндістан елінің қыздарымен кездесіп, 2.5:1.5 есебімен басым түсті. Енді қазақстандық шахматшы қыздар Украина құрамасымен кездеседі. 1-ші турдың басқа ойындарында Ресей мен Грузия құрамасы тең ойнаса, Украина спортшылары Польша елінің шахматшыларына ұтылды. Сонымен қатар, АҚШ-тың шахматшы қыздары Египет құрамасын, ал Қытай спортшылары Армения шахматшыларын ұтқан.