Элизабет Тұрсынбаева – жасөспірімдер Олимпиадасына жолдама алды

Эстонияның Таллин қаласында өткен жастар арасындағы мәнерлеп сырғанаудан Әлем чемпионатында Элизабет Тұрсынбаева төртінші орын иеленіп, келесі жылы өтетін жасөспірімдер Олимпиадасына жолдама алды. 30 мемлекеттен аса қатысқан байрақты бәсекеде Қазақстанның намысын қорғаған 15 жастағы қызылордалық Элизабет алғаш қысқа бағдарламада 55,95, ал, еркін бағдарламада 117,49 ұпай жинаған. Қос бағдарлама нәтижесі бойынша 173,44 ұпай жинап, өзінің жеке рекордын орнатты. Элизабет Тұрсынбаева 2013 жылғы Әлем чемпионатында 11-орынды иеленген.