Айбек Оралбай – Азия ойындарының чемпионы

Жапонияның Аичи префектурасы мен Нагоя қаласында өтіп жатқан ХХ жазғы Азия ойындарында бокстан финалдық жекпе-жектер аяқталды.

Аса ауыр салмақта Қазақстан өкілі Айбек Оралбай Өзбекстан спортшысы Джохангир Зокировті жеңіп, Азия ойындарының алтын медалін иеленді.

Әлем чемпионы Айбек Оралбай финалда Джохангир Зокировті төрешілердің бірауызды шешімімен 5:0 есебімен жеңді.

Отандасымыз жарыс жолында ширек финалда Қырғызстан өкілі Мирзакир Кошалиевті, жартылай финалда Үндістан спортшысы Нарендерді де 5:0 есебімен жеңген.

Осы салмақта Азия ойындарында бұған дейін Иван Дычко (2014) мен Мұхтархан Ділдәбеков (1998) чемпион атанған.