Concacaf құрамындағы 41 ел Инфантиноның бастамасына қарсы шықты

Солтүстік Америка, Орталық Америка және Кариб бассейні қауымдастығының футбол конфедерациясына (КОНКАКАФ) мүше барлық 41 ұлттық қауымдастық ФИФА президенті Джанни Инфантиноның әлем чемпионатының коммерциялық құқықтарының бір бөлігін жеке инвесторларға беру туралы бастамасын қолдамады.
КОНКАКАФ бұл мәселеде УЕФА ұстанымын қолдап, футболдың коммерциялық құқықтарын жекеменшік инвесторларға беру бастамасына қарсы екенін мәлімдеді.
Бұған дейін Джанни Инфантино FIFA Forward Enterprise жобасы аясында әлем чемпионаты мен өзге де ФИФА турнирлерінің коммерциялық құқықтарының бір бөлігін жеке инвесторларға сатуды ұсынған болатын. Оған дейін бұл бастамаға УЕФА-ға мүше 55 ұлттық қауымдастық та қарсылық білдірген еді.