Басты Жаңалықтар FIFA Әлем чемпионатына қатысатын құрамалар санын 64-ке дейін көбейтуі мүмкін

FIFA Әлем чемпионатына қатысатын құрамалар санын 64-ке дейін көбейтуі мүмкін

14.07.2026 12:00

FIFA президенті Джанни Инфантино футболдан ерлер арасындағы Әлем чемпионатына қатысатын құрамалар санын 64-ке дейін арттыру мүмкіндігін қарастырып жатқанын мәлімдеді.
Оның айтуынша, бұл бастама Әлем чемпионатын барша ел үшін қолжетімді етіп, турнирге көбірек құраманың қатысуына мүмкіндік береді.

«Бұл мәселені Әлем чемпионаты аяқталғаннан кейін талқылаймыз. Турнирді ұйымдастырғанда тек Еуропа мен Оңтүстік Америкаға емес, бүкіл әлемге мүмкіндік беру маңызды. Әрбір елдің Әлем чемпионатына қатысуды армандауына жағдай жасауымыз керек», - деді FIFA басшысы швейцариялық Blue Sport телеарнасына берген сұхбатында.

Айта кетейік, қазір АҚШ, Мексика, Канадада өтіп жатқан 2026 жылғы футболдан Әлем чемпионатына алғаш рет 48 құрама қатысып жатыр.

Бөлісу