Геннадий Головкиннің есімі ресми түрде Халықаралық бокстың Даңқ залына енді

Кәсіпқой боксшы, Қазақстан Ұлттық Олимпиада комитеті мен World Boxing президенті Халықаралық бокстың Даңқ залына енді. Салтанатты рәсім АҚШ-та өтті.

Геннадий Головкин Халықаралық бокстың Даңқ залына енген алғашқы отандық боксшы.

Отандасымыз әуесқой бокста 350 жекпе-жек өткізіп, 345-інде жеңіске жеткен. Кәсіпқой рингте 45 кездесу өткізіп, 42 рет ұтты. Оның 37-сі нокаутпен аяқталған.

Головкин ұзақ жылдар бойы орта салмақтағы әлемнің ең мықты боксшыларының бірі саналып, бірнеше чемпиондық белбеуді иеленді. Оның рингтегі жарқын жеңістері мен кәсіби мансабы қазақстандық бокс тарихында ерекше орын алады.

Даңқ залына қабылдануы - отандық спорт үшін тарихи жетістік әрі қазақстандық бокс мектебінің халықаралық деңгейдегі мойындалуының айқын көрінісі.

Посмотреть эту публикацию в Instagram

Публикация от Ақпарат. Qazaqstan TV (@qazaqstan_aqparat)