Қазақстан құрамасы Армениямен тең түсті

Қазақстан ұлттық футбол құрамасы Арменияға қарсы өткен жолдастық кездесуде 1:1 есебімен тең түсті.

Матчтың алғашқы таймында командалар есеп аша алмады. Үзілістен кейін, 50-минутта Қазақстан құрамасы есеп ашты. Максим Самородов гол авторы атанды.

Алайда араға үш минут салып алаң иелері таразы басын теңестірді. Армения құрамасының капитаны Эдуард Сперцян 53-минутта гол соғып, матчтағы қорытынды есепті белгіледі.

Осылайша, кездесу 1:1 есебімен аяқталды.

Қазақстан құрамасы келесі жолдастық ойынын 9 маусым күні сырт алаңда Венгрия құрамасына қарсы өткізеді.