Басты Жаңалықтар Гвардиола маусым соңында «Манчестер Ситиден» кетеді

Гвардиола маусым соңында «Манчестер Ситиден» кетеді

19.05.2026 12:20

«Манчестер Ситидің» бас бапкері Пеп Гвардиола осы маусымның соңында командадан кететіні белгілі болды.

Daily Mail басылымының ақпаратына сүйенсек, 55 жастағы маман АПЛ-дің соңғы 38-турындағы «Астон Виллаға» қарсы өтетін матчтан кейін (24 мамыр) қызметінен босайды.

Ал ресми мәлімдеме ойынның ертеңіне, маусымның аяқталуына арналған чемпиондық шеруі кезінде жарияланады деп күтілуде.

Оның орнына «Челсидің» бұрынғы бапкері Энцо Мареска тағайындалады.

«Манчестер Сити» турнирлік кестеде көш бастап тұрған «Арсеналдан» 5 ұпай қалып, екінші орында келеді, бірақ көктердің бір ойыны бар.

Айта кетейік, биылғы маусымда команда Англия Кубогы мен Англия лигасының Кубогын жеңіп алды.

Бапкер Манчестерде 10 жылға жуық уақыт ішінде 20 трофей жеңіп алды: Чемпиондар Лигасы, УЕФА Суперкубогы және Клубтық әлем чемпионаты, АПЛ-дің 6 дүркін чемпионы, 3 Англия Кубогы, 3 Англия Суперкубогы және 5 рет Лига Кубогы.

Бөлісу