«ПСЖ» Франция чемпионы атанды

Париждіктер «Лансты» қапы қалдырып, мерзімінен бұрын Франция чемпиондығын жеңіп алды.

Ланс қаласында өткен кездесу 2:0 есебімен Луис Энрике шәкірттерінің пайдасына аяқталды.

Ойында Хвича Кварацхелия мен Ибраим Мбайе гол соғып, көзге түсті.

Осы жеңістен кейін 76 ұпай жинаған «ПСЖ» чемпионаттың аяқталуына бір тур қалғанда бас жүлдені иеленді. Екінші сатыда келе жатқан «Ланстың» қоржынында 67 ұпай бар.

Париж клубы қатарынан бесінші жыл, ал жалпы тарихында 14-ші мәрте ел чемпионы атанып отыр. Қазіргі таңда «ПСЖ» Лига 1 тарихындағы ең көп титул жеңіп алған команда.

Посмотреть эту публикацию в Instagram

Публикация от Paris Saint-Germain (@psg)