«Атлетико» – «Арсенал»: Тікелей эфир!

29 сәуір күні УЕФА Чемпиондар лигасының 1/2 финалы аясында Мадридтің «Метрополитано» стадионында «Атлетико» мен лондондық «Арсенал» алғашқы кездесуін өткізеді.

Жартылай финалға дейінгі жолда лондондық «Арсенал» лиссабондық «Спортингті» жалпы 1:0 есебімен қапы қалдырса, мадридтік «Атлетико» ширек финалда «Барселонаны» жарыс жолынан шығарған еді.

Командалар соңғы рет 2025 жылдың қазан айында Чемпиондар лигасының ортақ кезеңінде жолықты. «Эмирейтс» стадионында өткен сол ойында лондондықтар 4:0 есебімен ірі жеңіске жетті. Ол кездесуде Виктор Дьёкереш дубль жасаса, Габриэл мен Мартинелли де өз аттарын таблоға жаздырды.

Тартысқа толы матчты бүгін сағат 23:50-де «Qazsport» телеарнасы мен Qazsporttv.kz сайтынан тікелей эфирде тамашалай аласыздар.