«ПСЖ» алғашқы матчта «Баварияны» жеңді

УЕФА Чемпиондар лигасының 1/2 финалындағы алғашқы матчта париждік клуб өз алаңында мюнхендік «Бавариядан» 5:4 есебімен басым түсті. «Парк де Пренс» стадионында өткен драмалық кездесуде жанкүйерлер 9 голдың куәсі болды.

Матчта «ПСЖ» сапынан Хвича Кварацхелия (24' және 56-минут), Жуан Невеш (33-минут) және Усман Дембеле (45+5' пенальти және 58-минут) гол соқты. Ал «Бавария» сапында Харри Кейн (17-минут пенальти), Майкл Олисе (41-минут), Дайо Упамекано (65-минут) және Луис Диас (68-минут) көзге түсті.

Финал жолдамасы сарапқа салынатын жауапты ойын «Баварияның» алаңында, Мюнхендегі «Альянц Арена» стадионында өтеді. Қос команда арасындағы қарымта матч 6 мамыр күні сағат 23:50-де өтеді.

Посмотреть эту публикацию в Instagram

Публикация от UEFA Champions League (@championsleague)