Қазақстанның әйелдер құрамасы теннистен әлемдік рейтингте 7-орынға көтерілді

Бұл өзгеріс Канадаға қарсы Billie Jean King Cup квалификациялық матчындағы жеңістің нәтижесінде болды. Осы нәтиже арқылы құрама 2026 жылдың күзінде Шэньчжэньде (Қытай) өтетін Billie Jean King Cup финалдық кезеңіне жолдама алды.

Қазіргі рейтингте Италия бірінші, Ұлыбритания екінші, Украина үшінші орында тұр. Қазақстан осы нәтижемен Канададан озып, Испания, Чехия және АҚШ құрамаларына жақындады.

Қазақстан теннис федерациясының мәліметінше, рейтингтегі өзгерістер ресми түрде тіркелген.