«Барыс» алтыншы ойын қатарынан жеңіске жетті

Елордалық «Барыс» хоккей клубы Құрлықтық хоккей лигасы аясында Владивостоктан келген «Адмирал» командасын 2:0 есебімен тізе бүктірді. Бұл қазақстандық ұжымның қатарынан алтыншы жеңісі.

«Барыс» сапынан команда капитаны Брэндон Бачински алғашқы және соңғы периодта дубльмен көзге түсті.  

Қазіргі сәтте «Барыс» ҚХЛ Шығыс конференциясында 32 ұпаймен 4-ші орында келеді. Келесі ойын 1 қараша күні «Трактор» командасына қарсы өтеді.