«Барыс» үшінші ойын қатарынан жеңілмей келеді

Елордалық «Барыс» хоккей клубы құрлықтық хоккей лигасы аясында үшінші ойын қатарынан жеңілмей келеді.

«Барыстың» хоккейшілері кезекті тур аясында өз алаңында Минскінің «Динамосын» тізе бүктірді. Қорытынды есеп 3:1.

Бірінші кезеңде шайба соғылмады. Алайда, екінші кезеңде елордалықтар қарсылас қақпасына жауапсыз екі шайба соқты. 21-ші минутта "Барыс" шабуылшысы Дмитрий Шевченко есеп ашса, араға алты минут салып Андре Петессон есепті еселеді.

Үшінші кезеңде «динамолықтар» таблодағы көрсеткішті қысқарта білді. Ал, ойынның соңғы нүктесін 48-ші минутта  Дастин Бойд қойды.

"Барыс" үшін бұл жеңіс ҚХЛ-дегі қатарынан үшіншісі. Барлығы 26 ұпай жинаған қазақстандық клуб Шығыс конфедерациясында алтыншы орында тұр