«Kazsport» телеарнасы бүгінгі «Барыс» - «Металлург» кездесуін тікелей эфирде көрсетеді

Бүгін Астана қаласында жергілікті «Барыс»  Магнитогорсктен келген «Металлург» ХК-на қарсы кездесу өткізеді. Бұл матчты «Kazsport» телеарнасынан тікелей эфирде көре аласыздар.Трансляцияның басталуы 16:50-де.

Қазақстандық хоккей клубы чемпионатта 42 ойын өткізіп, 59 ұпайымен 17-орында. Ал, ресейліктер лигада 42 кездесу өткізіп,  кестеде 3-ші болып келе жатыр.

Қарсыластар соңғы рет 13 қазан күні Магнитогорскте кездескен, ойын 3:1 есебімен ресейлік клуб пайдасына аяқталды.

Естеріңізге сала кетейік, матчты kazsport.kaztrk.kz сайтынан онлайн режимінде көре аласыздар.