Бүгін елордалық «Барыс» загребтік «Медвешчакпен» кездеседі

Бүгін, 7 қараша күні, Құрлықтық хоккей лигасы аясында астаналық «Барыс» өз айдынында загребтік «Медвешчакты» қабылдайды.

Елордалық хоккей клубы Шығыс конференциясының турнирлік кестесінде 31 ұпайымен 10-шы орында болса, қарсыласы «Батыста» 32 ұпайымен 13-ші орында келе жатыр.

Естеріңізге сала кетейік, бұл матчты тікелей эфирде «Kazsport» телеарнасынан тамашалай аласыздар. Сондай-ақ, kazsport.kaztrk.kz сайтында онлайн-көрсетілім жүргізіледі. Трансляция басталуы 19:20-да.

Жеңіске бірге жетейік!