Жігерленген астаналық «Барыс» нижнекамсктік «Нефтехимиктен» басым түсті

Құрлықтық хоккей лигасы кездесуінде елордалық «Барыс» өз алаңында нижнекамсктік «Нефтехимикті» жеңді — 5:4.

Ойын 3-ші қазан күні Астанада өтіп, 5:4 (1:1, 2:3, 2:0) есебімен алаң иелері пайдасына шешілді.

«Барыс» үшін бұл осы маусымдағы бесінші жеңісі. 17 ұпай иеленген астаналық клуб 12-ші орында. Плей-офф аймағынан 3 балға қалып тұр. Бірақ оның қарсыластары 2 немесе 3 ойын көбірек өткізген.

«Барыс» келесі екі матчын өз алаңында ойнайды.5-ші қазан күні елордалық команда қазандық «Ак Барспен», екі күннен кейін тольяттилік «Ладамен» кездеседі. Екі ойынды да «Kazsport» телеарнасы тікелей эфирде көрсетеді.