Дамир Рыспаев Қазақстан құрамасына шақырту алды

ҚХЛ-дан белгісіз мерзімге дейін шеттетілген елордалық «Барыс» командасының қорғаушысы Дамир Рыспаев хоккейден Қазақстан құрамасына шақыртылды. Жуырда Рыспаев ұлттық құрамамен бірге Норвегияның Осло қаласына аттанады. Аталған қалада Олимпиадаға іріктеу турнирі өтеді. «Барыс» қорғаушысы бапкерлік құрамға алғысын білдіріп, команданың жетістікке жетуіне барын салатынын айтты. Естеріңізге сала кетейік, «Барыс» хоккейшісі «Кунлунь Ред Стар» қарсы матчтағы төбелестен кейін ҚХЛ-дан белгісіз мерзімге шеттетілген еді.