Талғат Жайлауов «Барыспен» келісімшартқа отырудан бас тартты

Қазақстан хоккей құрамасының шабуылшысы Талғат Жайлауов елордалық «Барыспен» келісімшартқа отырудан бастартты, деп хабарлайды vesti.kz. Келісімшартының мерзімі аяқталған Талғат Жайлауовқа «Барыс» клубының басшылары толыққанды еңбек келісімшартын ұсынған еді, бірақ ол қол қоюдан бас тартты. Естеріңізге сала кетсек, 31 жастағы хоккейші «Барыс» клубында 2007 жылдан бері өнер көрсеткен. ҚХЛ-да 369 ойын өткізіп, 65 шайба салған және 100 рет ассистент атанған болатын. Алдыңғы маусымда Жайлауов ҚХЛ чемпионатында 26 ойын өткізіп, бірде-бір шайба сала алмады.