Елена Рыбакина «Үлкен Дулыға» турнирінің ширек финалына жолдама алды

Ұлыбритания жерінде теннистен Уимблдон турнирі өтіп жатыр. Аталған турнирдің 2022 жылғы жеңімпазы Елена Рыбакина жарыстың ширек финалына жолдама алды. Анна Калинскаямен (#17) өткен 1/8 финалдық кезеңдегі ойында есеп 6:3, 3:0 болған сәтте ресейлік теннисші жарақатына байланысты ойынды жалғастырудан бас тартып, Елена келесі кезеңге өтті.

Рыбакина жартылай финалдың жолдамасын украиналық Элина Свитолинамен (#21) сарапқа салады.