Юлия Путинцева Уимблдон турнирінде сенсация жасады

Әлемнің 35-ракеткасы Юлия Путинцева Ұлыбританияда өтіп жатқан Уимблдон турнирінің үшінші айналымында әлемнің бірінші ракеткасы польшалық Ига Швентекті жеңіп, басты сенсацияның авторы атанды.

2 сағатқа созылған тартысты ойын 3:6, 6:1, 6:2 есебімен қазақстандық теннисшінің пайдасына аяқталып, Юлия жарыстың төртінші айналымына шықты (1/8 финал). Ойын барысында Юлия 8 брейк-пойнттың төртеуін пайдаланды. Путинцеваның келесі қарсыласы латвиялық Елена Остапенко. Қос теннисші арасындағы ойын 8 шілдеге жоспарланған.

Сонымен өатар Елена Рыбакина да 1/8 финалға жолдама алды. Отандасымыз үшінші айналымда даниялық Каролин Вознцкиді 6:0, 6:1 есебімен жеңіп, ширек финалдың жолдамасын Анна Калинскаямен сарапқа салады.