Англия құрамасы Еуропа Чемпионатының жартылай финалында

Гарет Саутгейт шәкірттерті Еуропа Чемпионатының 1/4 финалында Швейцариямен кездесіп, ойын соңындағы пенальти сериясында 5:3 есебімен жеңіске жетті. 

Ойынның негізгі және қосымша уақыты 1:1 есебімен аяқталды. Ойынның 75-минутында Брель Эмболо есеп ашқанымен Букайо Сака 80-минутта таразы басын теңестірді. Осылайша Англия құрамасы өз тарихында үшінші рет Еуропа Чемпионатының жартылай финалында ойнайды. 

Айта кетейік, өткен Еуропа Чемпионатында Англия финалға дейін барып, Италия құрамасынан пенальти сериясында жеңілген еді.

Жартылай финалда Англия 10 шілде күні Дортмунд қаласында Нидерланд – Түркия арасындағы ойын жеңімпазымен кездеседі.