Франция Еуропа Чемпионатының екінші жартылай финалисі атанды

Португалия құрамасымен өткен 1/4 финалдық ойынның негізгі және қосымша уақыты 0:0 есебімен аяқталып, ойын соңындағы пенальти сериясында 5:3 есебімен француздар басым болды.Осылайша Дидье Дешамның шәкірттері 2016 жылғы Еуропа Чемпионатынан кейін алғаш рет 1/2 финалда ойнауға мүмкіндік алды.

Айта кетейік, 2016 жылы өз жерінде өткен жарыста Франция финалда Португалияға қосымша уақытта есе жіберген еді. Өткен Еуропа Чемпионатын Франция 1/8 финалда Швейцарияға жеңіліп, ерте аяқтауға мәжбүр болған.

9 шілде күні Мюнхенде өтетін алғашқы жартылай финалда Испания мен Франция кездеседі.