Уимблдон-2024: қазақстандық теннисшілердің қарсыластары белгілі болды

1 шілде күні теннистен 2024 жылғы Уимблдон турнирінің негізгі кезеңі басталады, бүгінде турнирдің жеребесі тартылып, қазақстандық теннисшілердің қарсыластары анықталды. Биылғы маусымның үшінші «Үлкен дулыға» жарысының негізгі кезеңінде төрт спортшымыз сынға түседі.

Әйелдер арасында жарыстың төртінші ракеткасы болып тіркелген Елена Рыбакина алғашқы айналымда іріктеуден сүрінбей өткен румыниялық Елена-Габриэла Русемен кездеседі. Ал Қазақстанның екінші ракеткасы Юлия Путинцева бірінші кездесуінде турнир уайлд-кардын алған Анжелик Кербермен ойнайды.

Ерлер арасында Қазақстанның бірінші ракеткасы Алеександр Бублик чехиялық Якуб Менсикпен, ал Александр Шевченко франциялық Уго Умбермен сынға түседі.