Неймар Бразилия құрамасы тарихындағы үздік сұрмерген атанды

31 жастағы ойыншы 77 гол соққан атақты Пеленің нәтижесін жаңартты

Неймар Боливиямен өткен ойында дубль авторы атанып, Бразилия құрамасы үшін 79 гол соғып, үздік сұрмерген болды

2026 жылғы Әлем Чемпионатына іріктеу кезеңі аясында өткен ойында алаң иелері 5:1 есебімен жеңіске жетті. Неймармен бірқатарда Родриго дубль авторы атанса, тағы бір голды Рафинья өз еншісіне жазды

Неймар пентакампеондар үшін ең алғашқы ойынын 2010 жылдың 10 тамызында АҚШ құрамасына қарсы өткізіп, дебюттік ойынында гол соққан еді.