Елена Рыбакина Дубайдағы турнирді жеңіспен бастады

Еліміздің бірінші ракеткасы Елена Рыбакина Дубай қаласында басталған Duty Free Tennis турнирінің екінші айналымына жолдама алды

Турнирдің тоғызыншы ракеткасы болып тіркелген Елена бірінші кездесуінде US Open-2019 жарысының жеңімпазы Бьянка Андреескуді (Канада) 1 сағат 29 минутқа созылған ойында 6:3, 6:4 есебімен жеңді. Рыбакинаның келесі қарсыласы Мария Бозукова (Чехия).

Айта кетейік, турнирге қатысып жатқан тағы бір теннисші Юлия Путинцева екінші айналымда ойнап, чех теннисшісі Петра Квитоваға 4:6, 4:6 есебімен жеңіліп, жарыс жолын аяқтады.