Елена Рыбакина «Australian Open» турнирінің үшінші айналымына шықты

Қазақстанның бірінші, әлемнің 25-ші ракеткасы Елена Рыбакина Австралия жерінде сәтті өнер көрсетіп жатыр. «Grand Slam» жарысының екінші айналымында словениялық Кайя Йуванды (#104) 58 минуттың ішінде 6:2, 6:1 есебімен жеңіп, үшінші айналымға жолдама алды. 

Елена «Australian Open» турнирінің 1/16 финалында АҚШ өкілі Дэниель Коллинспен (#11) кездеседі. Коллинс өз кезегінде 2 сағат 56 минутқа созылған тартысты ойында чехиялық Каролина Мухованы (#133) үш сетке (6:7 (1), 6:2, 7:6 (6)) созылған ойында жеңді. 

Рыбакина - Коллинс ойыны 20 қаңтар күні Астана уақыты бойынша 06:00-ге жоспарланған.