Универсиада-2015. Қазақстандық хоккейшілер финалға шықты

Қазақстанның ерлер студенттік құрамасы қысқы Универсиаданың жартылай финалында Чехия құрамасын 2:1 есебімен ұтты. Бірінші кезеңде чехтардың басымдығына қарамастан, есепті қазақстандық Алексей Анциферов ашты. Жарыс ортасына таман Павел Зятьков есеп айырмасын ұлғайтты, осындай артықшылықпен Қазақстан соңғы жиырма минуттыққа жетті. Соңғы кезеңде Петр Школоуд чехиялықтарға үміт сыйлап, бір гол салды. Бірақ олар есепті теңестіре алмады. Еске сала кетейік, бүгін Қазақстан мен Ресей хоккейшілері арасындағы ойын «KAZsport» телеарнасы Астана уақыты бойынша сағат 20:55-те тікелей эфирде көрсетеді.