Роберто Мартинес – Португалия құрамасының бас бапкері

Португалия футбол федерациясы (PFF) Роберто Мартинестің ұлттық құрама бас бапкері болғаны жайлы хабарлады. Ол бұл қызметте 2014-2022 жылдар аралығында қызмет еткен Фернанду Сантушты алмастырды.

Испаниялық маман бұған дейін 2016-2022 жылдары Бельгия құрамасымен жұмыс істеген. Мартинестің басшылығымен бельгиялықтар Әлем чемпионатының (2018) қола жүлдегері атанған еді. 2022 жылғы Әлем Чемпионатында Бельгия топтық кезеңнен шыға алмады.

Бельгия құрамасынан бөлек 49 жасар маман англиялық «Эвертон», «Уиган» және уэльстік «Суонси» командасында бас бапкер болған.