Новак Джокович - «Astana Open» турнирінің жеңімпазы

Астана қаласында АТР санатындағы «Astana Open» турнирі өз мәресіне жетті. Бір апта бойы әлемнің үздік теннисшілері еліміздің бас қаласында бас қосып, өзара мықтыны анықтады. Алғашқы кезеңдерде сенсациялық нәтижелер де тіркелді. Әлемнің бірінші ракеткасы Карлос Алькарас бірінші кезеңнде жеңіліп, жарыс жолын аяқтады. 

Финалдық ойын Стефанос Циципас пен Новак Джокович арасында өтіп, сербиялық теннисші екі сетте 6:3, 6:4 есебімен жеңіске жетті. Бұл сербиялық теннисші үшін спорттық мансабындағы 90-шы жүлде. Астанадағы жеңістен кейін Новак ресми түрде қараша айында қорытынды турнирге жолдама алды.