«Super Bol!» командасының ойыншылары кәсіпқой клубтардан шақырту алды

«Super Bol!» командасының ойыншылары кәсіпқой командалардан шақырту ала бастады. Жобаның кезекті қатысушысы Акром Закиров қостанайлық «Тобыл» командасына 15 қыркүйектен бастап қосылады.

Сонымен қатар, реалити-шоудың ең жас қатысушысы Азамат Зинадин Ресей Премьер-лигасында өнер көрсететін «Сочи» командасына шақырту алды.

Қақпашы Таир Берденов және Өркен Жантураев Пермь қаласының «Амкар» командасына қыркүйек айының бас кезінде қосылатын болды.

Осыған дейін, Эмин Мусаев мәскеулік «Спартак» командасына шақырту алса, Әлібек Жәрдемов «Атөбе», Дунайбек Аянхан «Мақтаарал», және Жақсылық Кенжебаев «Ақсу» футбол клубымен келісім-шартқа қол қойған болатын.