Жәнібек Әлімханұлы WBO тұжырымы бойынша толыққанды Әлем Чемпионы болды

Орта салмақта өнер көрсететін қазақстандық Жәнібек Әлімханұлы (12-0, 8КО) WBO тұжырымы бойынша толыққанды Әлем Чемпионы атанды.

Осыған дейін, «Qazaq Style» Interim яғни уақытша чемпион болған болатын. Ал толыққанды чемпион Деметриус Андраде (31-0, 19КО) Жәнібекпен кездесуден бас тартып, басқа дивизионға ауысуына байланысты, толыққанды чемпион атағына Жәнібек автоматты түрде қол жеткізді. Осылайша Жәнібек қазақтан шыққан алтыншы Әлем Чемпионы атанды.

«Top Rank» промоутерлік компаниясы қазірдің өзінде Жәнібекке қарсылас таңдап қойған көрінеді.