«Qazsport» телеарнасы УЕФА Конференция Лигасындағы қазақстандық клубтардың ойынын тікелей эфирде көрсетеді

Футболдан УЕФА Конференция Лигасының үшінші іріктеу кезеңі аясында өтетін кипрлік «Апоэл» және Али Алиев баптайтын «Қызыл-Жар» футбол клубы арасындағы ойын 4 тамыз күні Нұр-Сұлтан уақытымен сағат 22:50-де арнамыздың тікелей эфирінде басталады.

Екі команда арасындағы алғашқы ойын Никосия қаласындағы «ГСП» стадионында өтсе, қарымта ойын 11 тамыз күні жоспарланған.

Қостанайлық «Тобыл» босниялық «Зриньски» командасына қонаққа барады. Матч 4 тамыз күні елорда уақытымен сағат 00:50-де «Qazsport» телеарнасының тікелей эфирінен көрсетіледі. Екі команда арасындағы қарымта ойын 11 тамыз күні Қостанай қаласында өтеді.