«Линкольн Ред Импс» - «Тобыл» ойынында израильдік қазылар төрешілік етеді

УЕФА Конференция Лигасының 2-ші іріктеу кезеңі аясындағы қарымта ойында гибралтарлық «Линкольн Ред Импс» командасы қазақстандық «Тобыл» футбол клубын «Виктория» стадионында қабылдайды

Қостанай қаласында өткен алғашқы ойын қазақстандық клубтың пайдасына 2:0 есебімен аяқталған.

Қарымта ойында Израиль елінен келген қазы төрешілік етеді.

Бас төреші: Галь Лейбовиц

Көмекшілері: Йосси Бабайофф және Омер Барбиро.

Төртінші төреші: Шалом Бен Аврам (барлығы Израиль)

Ойын бүгін елорда уақытымен 21:50-де «Qazsport» телеарнасының тікелей эфирінде көрсетіледі.