Юлия Путинцева WTA 250 турнирінің жартылай финалына жолдама алды

Қазақстандық теннисші Юлия Путинцева Венгрия Астанасы Будапештте өтіп жатқан турнирдің жартылай финалына жолдама алды. Ширек финалдық кезеңде украиналық Леся Цуренкомен болған кездесуде 6:0, 2:0 есебімен жеңіп жатқан болатын. Юлияның қарсыласы ары қарай жалғастырудан бас тартып, жарыс жолын аяқтады.

Жартылай финалдық кездесуде Путинцева әлемнің 105-ші ракеткасы Алексадра Крунчичпен (Сербия) финалдық жолдаманы сарапқа салады.

Айта кетейік, Юлия былтырғы жылы Будапешттегі турнирдің жеңімпазы атанған болатын.

Сонымен қатар, Ньюпорт (Род-Айленд штаы, АҚШ) қаласында өтіп жатқан жарыста Александр Бублик ширек финалда Энди Марреймен кездеседі.