«Түркістан Арена» стадионы халықаралық мәртебеге ие болды

Түркістан қаласында орналасқан стадион УЕФА стандартына сәйкес ІІ категориялы спорттық нысан қатарына кіріп отыр.

Стадионның сыйымдылығы 7000 адам.

Айта кетейік, стадион 2020 жылы салынып, ел суперкубогының ойынын қабылдаған.

Енді «Түркістан Арена»:

Еурокубоктың (Чемпиондар, Еуропа және Конференция Лигасы) іріктеу кезеңідегі ойындарын;

Жастар арасындағы (U-17, 19, 21) Әлем және Еуропа Чемпионатының іріктеу және финалдық кезеңдерін;

Әйелдер арасындағы Әлем және Еуропа Чемпионатының іріктеу және финалдық кезеңдерінің ойындарын қабылдай алады.