Тарихи сәт! Елена Рыбакина «Уимблдон» финалында

Әлемнің 23-ші ракеткасы Елена Рыбакина «Уимблдон» жарысында тарихи нәтижеге қол жеткізіп, финалға жолдама алды. Жартылай финалдық кездесуде қазақстанның бірінші ракеткасы жарыстың 2019 жылғы жеңімпазы әлемнің бұрынғы бірінші ракеткасы румыниялық Симона Халепті 6:3, 6:3 есебімен жеңді. Теннисшілер Уимблдон қалашығындағы орталық кортта 1 сағат 17 минут өткізді.

Рыбакина чемпиондық атақты әлемнің екінші ракеткасы Онс Жабермен сарапқа салады. Тунис теннисшісі жартылай финалда германиялық Татьяна Марияны 1 сағат 43 минутта 6:2, 3:6, 6:1 есебімен жеңген болатын. Екі теннисші де спорттық мансаптарында алғаш рет «Grand Slam» жарысының финалында өнер көрсетеді.

Финалдық ойын сенбі күні елорда уақытымен сағат 19:00-де басталады.