Елена Рыбакина «Уимблдон» турнирінің екінші айналымына шықты

Қазақстанның бірінші ракеткасы Лондон қаласында өтіп жатқан «Grand Slam» турнирінің екінші кезеңіне жолдама алды. Алғашқы айналымда әлемнің 164-ші ракеткасы Коко Вандевегені (АҚШ) 1 сағат 41 минут ішінде 7:6, (2) 7:5 есебімен жеңген Елена екінші айналымда румыниялық Бьянка Андреескумен кездеседі.

Қазақстанның екінші ракеткасы Юлия Путинцева екі сеттің қорытындысында 3:6, 6:7 (6) француз теннисшісі Ализе Корнеге жеңіліп, жарыс жолын аяқтаған болатын. Сонымен қатар, Михаил Кукушкин турнирдің 29-шы ракеткасы АҚШ өкілі Дженсон Бруксбиге 3:6, 2:6, 3:6 есебімен есе жіберді.

Бүгінгі үшінші жарыс күнінде Александр Бублик серб Душан Лайовичпен кездеседі. Ойын Нұр-Сұлтан уақыты бойынша шамамен 20:30-да басталады.