Дарвин Нуньес - «Ливерпуль» футбол клубының ойыншысы

«Ливерпуль» футбол клубы ресми түрде уругвайлық Дарвин Нуньесті қатарына қосқанын хабарлады.

22 жасар шабуылшы үшін лиссабондық «Бенфика» 75 млн еуро алады. Тағы 25 млн еуро португалиялық командаға қосымша сый (бонус) ретінде берілуі тиіс. Англиялық клубпен 2028 жылға дейін келісім-шартқа қол қойған Дарвин Нуньес «Ливерпуль» тарихындағы ең қымбат трансфер атанды.

Өткен маусымда Уругвай құрамасының ойыншысы «Бенфика» сапында барлық турнирде 41 ойынға қатысып, 34 голдың авторы атанған және 4 нәтижелі пас берген.