Қазақстан - Беларусь ойыны «Qazsport» телеарнасының тікелей эфирінде

Бүгін Ұлттар Лигасының 3 туры аясында Сербияның Нови-Сад қаласында Беларусь құрамасы Қазақстанмен кездеседі. С Лигасының 3-ші тобында болатын ойыынды сағат 00:35-те «Qazsport» телеарнасының тікелей эфирінен тамашалай аласыздар.

Алғашқы екі турдан кейін Қазақстан құрамасы 6 ұпаймен көш бастап тұр. Алғашқы турда Әзірбайжанды 2:0 есебімен жеңген Магомед Адиев шәкірттері екінші турда Словакияны 1:0 есебімен тізе бүктірді.

Беларусь құрамасы болса, Словакияға 0:1 есебімен жеңілгеннен кейін Әзірбайжан құрамасымен тең тарқасты.

Бүгінгі ойын күнінде Әзірбайжан - Словакия ойыны жоспарлаған. Елорда уақыты бойынша 21:50-де «Qazsport» телеарнасының тікелей эфирінде көріңіздер.