Хоккей. Андрей Назаров Талғат Жайлауовты Валерий Буремен салыстырды

Астаналық «Барыс» клубының бас бапкері Андрей Назаров команданың ойыншысы Талғат Жайлауовтың атақты хоккейшілер Валерий Буре мен Джером Игинлаға ұқсайтынын айтты. «Талғат – команданың моторы. Оның кейбір қасиеті менің «Калгаридағы» («Калгари Флэймз», ҰХЛ командасы) бірінші бестіктегі әріптестерім Валерий Буре мен Джером Игинлаға ұқсайды. Не болса да, ол Джером сияқты мықты, Валерий сияқты шапшаң. Көптеген жарақаттың кесірінен Жайлауовтың өз бабына келе алмай жүргені алаңдатады. Алайда оның болашағы әлі алда. Біз оны ақырындап ойындарға шығаратын боламыз. Сондықтан, дүйсенбі күні «Адмиралмен» болатын ойында Талғат жақсы ойын көрсетеді деген ойдамыз», - деп келтіреді бапкердің сөзін «Спорт-Экспресс». Естеріңізге сала кетейік, Андрей Назаров шәкірттері бүгін Владивосток қаласының «Амур» клубымен ойнайды. Бұл ойынды «KAZsport» телеарнасы Астана уақытымен 19:00-де тікелей эфирде көрсетеді.