Ресми: Жәнібек Әлімхвнұлының келесі кездесуінің уақыты белгілі болды

Орта салмақтағы қазақстандық кәсіпқой боксшы Жәнібек Әлімханұлы (11-0, 7 КО) келесі кездесуін 21 мамыр күні Лас Вегас қаласында британдық Дэнни Дингумге (14-0-1, 8 КО) қарсы өткізеді.

Бұл жайлы «Top Rank» промоутерлік компаниясы ресми түрде хабарлады. Кездесудің жеңімпазы WBO тұжырымы бойынша «Interim», яғни уақытша чемпион болады. Бұл дивизионда толыққанды чемпион Деметриус Андраде (31-0, 19 КО).

Айта кетейік, Жәнібек соңғы кездесуін 2021 жылдың қараша айында өткізіп, Хассан Ндам Нжикамды (38-6, 21 КО) сегізінші раундта нокаутпен жеңсе, қарсыласы ақпан айында өзінің отандасы Деннис Грантты (17-4, 3 КО) ұтты.