Мюнхендік «Бавария» Еуропада жаңа рекордқа қол жеткізді

Еуропада футбол маусымы аяқталуға жақын. Дәл қазіргі уақытта екі елдің чемпионы анықталып қойды.

Бундеслиганың 31 турында мюнхендік «Бавария» дортмундтық «Боруссияны» 3:1 есебімен жеңіп, қатарынан 10 рет Германия біріншілігінде топ жарды.

Осылайша, Юлиан Нагельсманн шәкірттері туриндік «Ювентустың» рекордын жаңартты. Осыған дейін «қарт сеньора» А сериясын қатарынан 9 мәрте жеңген болатын.

Сонымен қатар жексенбі күнгі ойын күнінде «Пари-сен-жермен» Францияның бірінші Лигасының жеңімпазы атанды. 34 тур аясында өткен ойында «Ланс» командасымен 1:1 есебімен тең тарқасқан Моурисио Почеттино шәкірттері мерзімінен бұрын ел чемпионатында топ жарды. Бұл «ПСЖ» командасының 10-шы чемпиондық атағы.