Юрген Клопп «Ливерпуль» футбол клубының тарихына енді

Чемпиондар Лигасының аясында «Бенфиканы» 3:1 есебімен жеңген неміс маманы, сырт алаңда қатарынан сегізінші жеңісіне қол жеткізген мерсисайдтық команданың алғашқы бапкері атанды.

Осыған дейін Юрген Клопп шәкірттері Ағылшын премьер-лигасы аясында лондондық «Арсеналды» екі рет, бір мәрте «Кристал Пэлас» және «Брайтон», Англия кубогы аясында «Ноттингем Форест» және миландық «Интер» командасын жеңген. Сегіз матчта 16 гол соғып, қақпасына 2 гол өткізген.

Айта кетейік, 54 жасар Юрген Клопп 2015 жылдың қазан айынан бері «Ливерпуль» футбол клубының бас бапкері.