Әлем чемпионатының ресми добы таныстырылды

2022 жылғы Катарда өтетін Әлем чемпионатының ресми добы таныстырылды. «Al Rihla» деп аталатын футбол снаряды араб тілінен аударғанда «Саяхат» деген мағынаны білдіреді. Доптағы өрнектер Катар елінің архитектурасы, тілі мен мәдениетінің негізінде жасалған.

Бүгінгі күні Әлем чемпионатына қатысатын 32 команданың 27-сі белгілі. Топтық кезеңнің жеребе тарту рәсімі 1 сәуірге жоспарланған. Бұл шара «Qazsport» телеарнасының тікелей эфирінде сағат 22:00-де көрсетіледі.

Катар елінде өтетін футбол тойы 21 қараша мен 18 желтоқсан аралығына жоспарланған.