Михаил Кукушкин Маямидегі Мастерстің негізгі кезеңіне жолдама алды.

Михаил Кукушкин Маямиде өтіп жатқан Мастерс турнирінің негізгі кезеңіне жолдама алды. Іріктеу кезеңінде жапониялық Шинтаро Мочизукиді 7:6, (6), 6:2 есебімен жеңді.

Алғашқы айналымда Кукушкин әлемнің 42-ші ракеткасы Ботик Ван де Зандшульппен кездеседі, Екі теннисші 2019 жылы Дэвис Кубогының аясында кездесіп, Михаил екі сетте басым түскен болатын.

Еліміздің бірінші ракеткасы Александр Бублик турнирді екінші айналымнан бастайды.

Әйелдер арасындағы сында Юлия Путинцева екінші айналымға өтті. Әлемнің 47-ші ракеткасы Настасья-Мариана Шункпен (Германия) кездесіп, 4:6, 6:3, 6:1 жеңіп, келесі кезеңде чеxиялық Маркета Вондрусовамен кездеседі. Елена Рыбакина жарысты екінші айналымнан бастайды.