«Барыс» жаңа жылдағы алғашқы ойынын жеңіспен бастады

Елордалық «Барыс» хоккей клубы 2022 жылдың алғашқы ойынында «Барыс-Арена» спорт кешенінде Рига қаласының «Динамосымен» кездесіп, 7:1 есебімен жеңіске жетті. Осы ірі жеңістен кейін Юрий Михайлис шәкірттері Шығыс Конференциясындағы сегізінші орнын 45 ойыннан кейін 44 ұпаймен сақтап қалды.

Елордалылық клуб келесі ойынын 5 қаңтар күні Шығыс Конференциясының көшбасшысы, Магнитогорск қаласының «Металлург» командасына қарсы өткізеді. Одан кейін 9 қаңтар күні Магнитогорск қаласына қонаққа барады. «Барыс» хоккей клубының барлық ойындарын «Qazsport» телеарнасының тікелей эфирінен көре аласыздар.