Мейірім Нұрсұлтановтың кәсіпқой рингтегі келесі қарсыласы белгілі болды

Қазақстандық кәсіпқой бокс шебері Мейірім Нұрсұлтанов (15-0, 8КО) келесі жекпе-жегін 22 қаңтар күні Ақтау қаласында ресейлік Андрей Сироткинге (19-1-1, 7КО) қарсы өткізеді. Кездесу ADAL Promotions компаниясының ұйымдастыруымен өтеді.

Орта салмақтағы WBO International белдігі сарапқа салынатын кездесу 10 раундқа жоспарлаған. Мейірім екінші дәрежелі WBC белдігінің иегері екендігін айта кетейік.

Өзінің соңғы кездесіуін отандасымыз қараша айында өткізіп, белорус боксшысы Дмитрий Атроховты (16-12, 7КО) ұпай санымен жеңген. Андрей Сироткин болса, сәуір айында британиялық Дэнни Дигнуммен (13-0-1, 7КО) WBO European белдігін сарапқа салып, кездесу тең аяқталды.