Жәнібек Әлімханұлының жеңісі

Орта салмақтағы кәсіпқой бокс шебері қазақстандық Жәнібек «Qazaq style» Әлімханұлы (11-0, 7КО) TOP RANK проуметерлік орталығының бастамасымен ұйымдастырылған бокс кешінде француз боксшысы Хассан Д'Дамм Н'Жикамды 8 раунд барысында нокаутқа жіберіп, кездесуді өз пайдасына шешті. 

Алғашқы раундтардан бастап, белсенді қимылдаған отандасымыз 7 раунд соңында қарсыласына нокдаун берді. Осылайша 10 раундқа жоспарланған кездесу 8 раундта отандасымыздың жеңісімен аяқталды. 

Жәнібек «Qazaq style» Әлімханұлы кәсіпқой рингтегі 11-ші кездесуінде жеңіске жетіп, өзінің WBC Continental Americac атағын қорғап, WBO Global нұсқасы бойынша чемпион атанды.