Сергей Малый - Сейділда Байшақов атындағы жүлденің иегері

«Тобыл» және Қазақстан ұлттық құрамасының қорғаушысы Сергей Малый Қазақстан премьер лигасының үздік қорғаушысы. Биылғы жылдан бастап бұл жүлдеге Сейділда Байшақовтың аты берілді. Бұл жүлде премьер лига клубтары мен басшыларының дауыс беруі арқылы жүргізілді.

Сергей осы маусымда премьер лиганың 25 ойынына қатысып, 3 гол соққан. «Тобыл» футбол клубының сапында ел чемпионы атанды.

Сонымен қатар ел суперкубогынде 2 ойын өткізіп 2 голдың авторы атанды. Қазақстан кубогынде қорғаушы 6 ойын ойнаған. Ұлттық құрама сапында тәжірбиелі қорғаушы 8 ойынға қатысты.

Дауыс беру нәтижесінде екінші орынға ие болған «Қызыл-Жар СК» ойыншысы Әлібек Қасым. Үздік үштікті «Қайрат» қорғаушысы Нұралы Әліп түйіндеді.